അടയാളങ്ങള്‍ പറഞ്ഞു
ആര്ക്കും കണ്ടു പിടിക്കാനാവില്ല.
അതിപരിചയം കൊണ്ടു
അത്രമേല്‍ അടുക്കുകയുമില്ല
എല്ലാവരും കാണ്‍കെ
എന്നാല്‍ ആരും കാണാതെ
ഒരു മറുക് ഉണ്ട് എന്റെ മുഖത്ത്‌.
അതെ പ്രകാരത്തില്‍ അല്ലെങ്കിലും
മറ്റൊരു വിധത്തില്‍
മറുക്
ഒളിപ്പിക്കുന്നവരെ കണ്ടാല്‍
തിരിച്ചറിയും.
മുഖവുരയോ
ഹസ്തദാനമൊ വേണ്ടി വന്നെക്കില്ല
ആജന്മ മിത്രമെന്നപോല്‍
ഇരുട്ടിലും വെളിച്ചത്തിലും.
നോക്കൂ
വിമോചനത്തിനു വേണ്ടിയുള്ള
ഈ കുതിപ്പില്‍
കിതപ്പില്‍
അത് പ്രകടം.
No comments:
Post a Comment